Xeólogos del Mundu - Asturies

XEOLOGOS DEL MUNDU, ye una organización non gubernamental de desarrollu (ONGD) con enfotos non llucrativos que nagua por apurrir a los países y grupos más necesitaos el conocimientu xeolóxicu.
Naz n’España a propuesta de la Federación Europea de Xeólogos el 14 de febreru de 1.999. Dende mayu de 2001, Xeólogos del Mundu alcuéntrase incluyida ente los firmantes del Contratu Marcu cola Oficina d’Ayuda Humanitaria de la Comisión Europea (ECHO).

En virtú del Orde de 28 de mayu de 2003, el Miniseriu del Interior dispunxera declarar d’UTILIDÁ PÚBLICA a la entidá de Xeólogos del Mundu.

El 12 d'abril del 2008, LA UNIVERSIDÁ D'UVIÉU nel marcu del so IV Centenariu, concede a Xeólogos del Mundu'l PREMIU IV CENTENARIU UNIVERSIDÁ SOLIDARIA.

ROBLÁRONSE CONVENIOS DE COOPERACION EDUCATIVA ENTE LA UNIVERSIDÁ D'UVIÉU Y XEOLOGOS DEL MUNDU que tien como oxeto fomentar la formación practica d'estudiantes universitarios y de los matriculaos nel máster oficial: "Recursos Xeolóxicos y Geotecnia" en proyectos de Cooperación al Desenvolvimientu que pueden vese en:
http://www.xeologosdelmundu.org/?q=ast/node/1096#attachments

Anguañu, tamos desendolcando proyeutos xeológicos d’ayuda al desarrollu en países de África, Centro y Sudamérica., Sudeste Asiático, etc.

FINES Y ACTIVIDAES:

1) DESARROLLAR proyeutos col enfotu de prevenir, amenorgar y correxir los efeutos de los desastres ñaturales y riesgos xeológicos como terremotos, vulcanismu, esnidiamientos, aludes, erosión, riesgos costeros, inundaciones, seques, y toos aquellos eventos ñaturales catastróficos y los provocaos pola actuación humana rellacionaos coles Ciencies de la Tierra, la ordenación del territoriu y’l caltenimientu del Mediu Ambiente.
2) REALIZAR estudios y actuaciones nel campu de la Hidroxeoloxía que nos permitan la captación d’agua pa’l Abastecimientu de poblaciones y’l Saneamientu de les mesmes o pa poner en regadíu nueves zones de cultivu.
3) COLLABORAR con toles ONGs, asociaciones, organismos ya instituciones que requieran el nuesu asesoramientu.
4) FORMACIÓN en xeoloxía Humanitaria

Pa contautar con nós dirixise a cualquiera de estes direcciones:

1.- C/Pérez de Ayala 3 - 1º Escalera Izq.
33007 UVIEU, Asturies
Tel.: 985 10 27 61

2.- Facultá de Xeología Universidá d`Uvieu. Campus de Llamaquique.
C/Arias de Velasco S/Nº
33005 UVIEU, Asturies
Tel./FAX: 985.10.27.61

3.-Oficina en Honduras
Representante: Mario Murillo
Apartado 147, Siguatepeque, Dpto. de Comayagua.
Teléfono: (504) 9873 78 15
honduras@geologosdelmundo.org